‘Bain triail as teanga nua’ le linn Oíche Chultúir

‘Bain triail as teanga nua’ go fíorúil leis an gCoimisiún Eorpach agus Languages Connect – Dé hAoine an 22 Meán Fómhair.

Mar chuid d’Oíche Chultúir, Dé hAoine an 22 Meán Fómhair, cuirfimid blasranganna teanga 20 nóiméad saor in aisce ar fáil, i bpearsa, in Áras na hEorpa i mBaile Átha Cliath. Beidh ranganna ann sa Chóiréis, sa Ghearmáinis, san Iodáilis, sa Mháltais, sa tSeapáinis, sa tSínis, sa tSlóivéinis, sa tSualainnis, in TCÉ, agus san Úcráinis.  I ngeall nach bhfuil ach líon teoranta spásanna ar fáil, cuir do sheisiún/sheisiúin in áirithe ANSEO.

Dar ndóigh, tá fáilte romhat triail a bhaint as níos mó ná teanga amháin agus beidh sólaistí ar fáil ar an oíche do dhuine ar bith ar mian leo sos a ghlacadh idir na seisiúin.

Ina theannta sin, i gcomhthráth le Lá Eorpach na dTeangacha Dé Máirt an 26 Meán Fómhair, cuirfimid blasranganna fíorúla saor in aisce ar fáil in 8 dteanga eile: an Fhraincis, an Ghaeilge, an Ghréigis, an Pholainnis, an Phortaingéilis, an tSlóvaicis, an Spáinnis agus an Ungáiris.  I ngeall nach bhfuil ach líon teoranta spásanna ar fáil, iarrtar ort do sheisiún/sheisiúin a chur in áirithe ANSEO.  Seolfar nasc Zoom chuig gach rannpháirtí atá cláraithe, roimh am lóin lá an imeachta.

 Arís, moltar duit triail a bhaint as níos mó ná teanga amháin!

Tá an imeacht ‘Bain triail as teanga nua’ ina chuid de Rian Cultúir na hEorpa, a bheidh ar siúl le linn Oíche Chultúir.  Tá an Rian Cultúir á eagrú ag líonra EUNIC agus is féidir leat do ‘phas’ a íoslódáil ANSEO.