Cuirimid fáilte roimh dhaltaí bunscoile agus meánscoile, agus roimh mhic léinn ó institiúidí breisoideachais agus ardoideachais.
Don bhliain acadúil 2023/2024, is i lár na seachtaine amháin atá cuairteanna ar ár n-oifig ar fáil. Cuairt amháin in aghaidh na scoile a cheadaítear, agus is é 40 líon uasta na ndaltaí is féidir páirt a ghlacadh sa chuairt.
Maireann an ghnáthchuairt timpeall 90 nóiméad agus bíonn cur i láthair agus scannán faoi Éirinn agus an tAontas Eorpach san áireamh, chomh maith le plé agus tráth na gceist do na daltaí ina dhiaidh sin.
Ar na topaicí a d’fhéadfadh a bheith san áireamh, tá:
- Stair agus bunús an Aontais Eorpaigh
- Institiúidí an Aontais Eorpaigh agus an méid a dhéanann siad
- Éire agus an tAontas Eorpach
- An chaoi a bhfuil aghaidh á tabhairt ag an Aontas Eorpach ar dhúshláin mhóra, amhail an t-athrú aeráide agus an cogadh san Úcráin
- An chiall a bhaineann leis an Aontas Eorpach do dhaoine óga
- Eolas faoi ghairmeacha sna hinstitiúidí (mic léinn sa tsraith shinsearach).
Chun cuairt a eagrú do do rang, seol ríomhphost chugainn le do thoil leis an dáta agus an t-am is fearr leat agus beimid ar ais i dteagmháil leat faoi. Seo é ár seoladh ríomhphoist: comm-ie-info-request@ec.europa.eu
Féadfar cuairt fhíorúil* a eagrú freisin – cuir in iúl dúinn dá mb’fhearr leat an rogha sin.
Táimid ag tnúth le bualadh leat!
* Déanfaidh scoileanna rannpháirteacha cuairteanna fíorúla a óstáil ar an ardán teicniúil is fearr leo agus beidh siad faoi réir a gcóid iompair maidir leis an gcianfhoghlaim.