‘Bain triail as teanga nua’ le linn Oíche Chultúir

‘Bain triail as teanga nua’: Tugann an Coimisiún Eorpach agus Languages Connect cuireadh duit é sin a dhéanamh Dé hAoine an 23 Meán Fómhair.

Mar chuid d’Oíche Chultúir Dé hAoine an 23 Meán Fómhair, cuirfimid blasranganna saor in aisce i bpearsa ar fáil a mhairfidh ar feadh 20 nóiméad ag Teach na hEorpa i mBaile Átha Cliath sa Chatalóinis, sa tSínis, sa Chróitis, san Eastóinis, sa Ghearmáinis, san Iodáilis, sa Chóiréis, sa Liotuáinis, sa Rómáinis agus san Úcráinis.  I ngeall nach bhfuil ach líon teoranta spásanna ar fáil, cuir do sheisiún/sheisiúin in áirithe ANSEO chun nach mbeidh díomá ort.

Dar ndóigh, moltar duit triail a bhaint as níos mó ná teanga amháin agus cuirfear sólaistí ar fáil ar an oíche do dhuine ar bith ar mian leo sos a ghlacadh idir na seisiúin.

Agus i gcomhthráth le Lá Eorpach na dTeangacha Dé Luain an 26 Meán Fómhair, cuirfimid blasranganna fíorúla ar fáil i 9 dteanga bhreise, is iad sin an Bhulgáiris, an Fhionlainnis, an Fhraincis, an Ghréigis, an Ghaeilge, an tSeapáinis, an Pholainnis, an Phortaingéilis agus an Spáinnis.  Cuir do sheisiún/sheisiúin in áirithe ANSEO i ngach nach bhfuil ach líon teoranta spásanna ar fáil.  Seolfar an nasc zoom ábhartha chuig na rannpháirtithe atá cláraithe roimh am lóin ar lá an imeachta.

Arís, moltar duit triail a bhaint as níos mó ná teanga amháin!

Tá an imeacht ‘Bain triail as teanga nua’ mar chuid de Rian Cultúir na hEorpa a bheidh ar siúl le linn Oíche Chultúir.  Tá an Rian Cultúir á eagrú ag líonra EUNIC agus is féidir leat do ‘phas’ a íoslódáil ANSEO.