Ar aghaidh go dtí an príomhábhar
Ionadaíocht an Choimisiúin Eorpaigh in Éirinn

Institiúidí agus oifigí eile in Éirinn

Má theastaíonn cabhair uait le ceist faoi leith nó freagra uirthi, déan teagmháil le ceann de na líonraí thíos:

Oifigí agus gníomhaireachtaí eile de chuid an Aontais

Oifig Idirchaidrimh Pharlaimint na hEorpa in Éirinn

Oifig Idirchaidrimh Pharlaimint na hEorpa in Éirinn, atá lonnaithe san fhoirgneamh céanna leis an Ionadaíocht, cuireann sí eolas ar fáil faoi ról agus faoi chumhachtaí Pharlaimint na hEorpa, faoi na Feisirí Éireannacha sa Pharlaimint agus a ngníomhaíochtaí, agus faoi shaincheisteanna atá á bplé faoi láthair ag an bParlaimint atá tábhachtach d’Éirinn agus don Eoraip ina hiomláine.


An Foras Eorpach chun Dálaí Maireachtála agus Oibre a Fheabhsú

Gníomhaireacht thrípháirteach de chuid an Aontais Eorpaigh is ea an Foras Eorpach chun Dálaí Maireachtála agus Oibre a Fheabhsú (Eurofound), arb é an ról atá aige eolas a chur ar fáil chun cabhrú le beartais shóisialta, fostaíochta agus oibre níos fearr a fhorbairt. Is i mBaile Uí Lachnáin, Co. Bhaile Átha Cliath, atá sé lonnaithe,

 

Eolas maidir le cearta agus dlí an Aontais Eorpaigh

An Eoraip Agatsa – Comhairleoir Dlí

Is dlíodóir í Comhairleoir Dlí An Eoraip Agatsa agus bíonn sé ar fáil, ach coinne a dhéanamh, chun comhairle a thabhairt duit faoi do chearta san Aontas. Chun coinne a dhéanamh le haghaidh comhairliúcháin le Comhairleoir Dlí An Eoraip Agatsa – is féidir ríomhphost a sheoladh chuig eu-ie-info-requestatec [dot] europa [dot] eu (eu-ie-info-request[at]ec[dot]europa[dot]eu) nó coinne phearsanta a dhéanamh trí Ionadaíocht an Choimisiúin Eorpaigh in Éirinn, Áras an Aontais Eorpaigh, 12–14 Sráid an Mhóta Íochtarach, Baile Átha Cliath 2.
 

SOLVIT

Is líonra réitigh fadhbanna ar líne é SOLVIT ina n-oibríonn Ballstáit an Aontais le chéile le fadhbanna a réiteach gan imeachtaí dlí, fadhbanna arb é is cúis leo dlí an Mhargaidh Inmheánaigh a bheith curtha chun mífheidhme ag údaráis phoiblí.


An tOmbudsman Eorpach

Imscrúdaíonn an tOmbudsman Eorpach gearáin faoi dhrochriarachán ag institiúidí an Aontais agus comhlachtaí eile an Aontais. Is féidir le saoránaigh, daoine atá ina gcónaí i mBallstát agus comhlachais nó gnólachtaí atá bunaithe san Aontas Eorpach gearáin a dhéanamh. Is í Emily O’Reilly, ar Éireannach í, an tOmbudsman Eorpach reatha.


FIN-NET

Cuireann FIN-NET líonra ar fáil chun díospóidí airgeadais trasteorann a réiteach laistigh den CEE agus lasmuigh den chúirt, i.e. díospóidí idir tomhaltóirí agus soláthraithe seirbhísí airgeadais ar nós na mbanc, gnólachtaí árachais, etc.


OLAF – An Oifig Eorpach Frith-Chalaoise

Imscrúdaíonn OLAF calaois i gcoinne bhuiséad an Aontais Eorpaigh, éilliú agus mí-iompar tromchúiseach laistigh d’institiúidí an Aontais, agus forbraíonn sé beartais frithchalaoise don Choimisiún Eorpach.

Eolas maidir le fostaíocht, oiliúint, taighde agus soghluaisteacht

EURES

Cuireann EURES eolas, comhairle agus seirbhísí earcaíochta/socrúcháin (meaitseáil poist) ar fáil d’oibrithe agus d’fhostóirí, agus do shaoránaigh a dteastaíonn uathu leas a bhaint as an bprionsabal um shaorghluaiseacht daoine.

Eurodesk

Cuireann Eurodesk eolas saor in aisce ar fáil do dhaoine óga idir 13 agus 30 bliain d’aois maidir le deiseanna atá ar fáil, deiseanna i ndáil le taisteal, obair, staidéir agus obair dheonach san Eoraip, mar shampla.


ENIC-NARIC Éire

Cuireann ENIC-NARIC.net eolas ar fáil maidir le cáilíochtaí acadúla agus gairmiúla a aithint.


EUROPASS Éire

Cuireann EUROPASS uirlisí ar fáil do shaoránaigh an Aontais lenar féidir leo a scileanna agus a gcáilíochtaí a chur in iúl go héifeachtach agus iad ag lorg poist nó oiliúna.


EURAXESS

Cabhraíonn Ionad Seirbhísí EURAXESS le taighdeoirí agus lena dteaghlaigh a n-aistriú go tír eile a phleanáil agus a eagrú, rud a thugann cabhair maidir le gach ábhar a bhaineann leis an tsoghluaisteacht.

Eolas maidir le cearta tomhaltóirí

An Lárionad Eorpach do Thomhaltóirí

Is mar chuid de líonra uile-Aontais atá an Lárionad Eorpach do Thomhaltóirí in Éirinn, líonra a chuireann comhairle ar shaoránaigh maidir lena gcearta mar thomhaltóirí agus a éascaíonn cúrsaí cúitimh, go háirithe i gcásanna inar cheannaigh an tomhaltóir rud éigin i dtír eile agus ar thug leis é go dtí a thír féin (trasteorann).

RAPEX

Le Córas Mear-Rabhaidh an Aontais um tháirgí contúirteacha neamhbhia, cumasaítear do na húdaráis náisiúnta i 31 tír agus don Choimisiún Eorpach faisnéis a mhalartú go mear le chéile faoi tháirgí contúirteacha atá ar an margadh.

Eolas le haghaidh gnólachtaí

An Líonra Fiontar Eorpach – Éire

Cabhraíonn an Líonra Fiontar Eorpach le gnólachtaí Éireannacha an leas is fearr a bhaint as deiseanna gnó agus teicneolaíochta san Aontas agus i margaí móra domhanda eile, agus beagnach 600 eagraíocht tacaíochta gnó ann i 60 tír ar a mhéad.

Is faoi chúram Fhiontraíocht Éireann, na nOifigí Fiontair Áitiúla agus na gComhlachas Tráchtála i mBaile Átha Cliath agus i gCorcaigh atá an Líonra Fiontar Eorpach in Éirinn.