Bain úsáid as léarscáil na hÉireann chun lárionad de chuid an Aontais Eorpaigh i ngiorracht duit a aimsiú. Beidh siad réidh le ceisteanna ginearálta a fhreagairt maidir leis an Aontas Eorpach. Orthu sin tá na nithe seo a leanas:
- Lárionaid EUROPE DIRECT a chuidíonn chun an tAontas a thabhairt níos gaire do dhaoine ar an láthair agus a éascaíonn rannpháirtíocht i ndíospóireachtaí ar thodhchaí an Aontais. Tugann na lárionaid freagraí ar cheisteanna maidir le beartais, cláir agus tosaíochtaí an Aontais. Pléann foirne na lárionad le saoránaigh agus le geallsealbhóirí ar bhonn réamhghníomhach leanúnach chun úinéireacht níos mó a chinntiú ar an tionscadal Eorpach.
- Cuireann Ionaid Doiciméadúcháin Eorpacha (EDCanna) oideachas agus taighde chun cinn i dtaobh lánpháirtíocht an Aontais. Cuireann siad rogha doiciméad ar fáil maidir le gnóthaí Eorpacha agus spreagann siad an pobal acadúil chun páirt a ghlacadh sa díospóireacht ar thodhchaí an Aontais.
Bain úsáid as an léarscáil ‘An tAontas Eorpach thart timpeall orm’ chun lárionaid de chuid an Aontais atá níos sonraí ó thaobh ábhair de a aimsiú, ar lárionaid iad atá mar chuid de líonraí speisialaithe gníomhach i do réigiún. Is féidir leat cuardach a dhéanamh de réir an tsuímh gheografaigh nó an ábhair shonraigh (mar shampla: tomhaltóirí, obair, staidéar, an comhshaol, etc.).