‘Bain triail as teanga nua’ ar Lá Eorpach na dTeangacha

‘Bain triail as teanga nua’: Tugann an Coimisiún Eorpach agus Languages Connect cuireadh duit é sin a dhéanamh Dé Luain an 26 Meán Fómhair.

I gcomhthráth le Lá Eorpach na dTeangacha Dé Luain an 26 Meán Fómhair, cuirfimid blasranganna fíorúla saor in aisce ar fáil i 9 dteanga, is iad sin an Bhulgáiris, an Fhionlainnis, an Fhraincis, an Ghréigis, an Ghaeilge, an tSeapáinis, an Pholainnis, an Phortaingéilis agus an Spáinnis.  Moltar duit triail a bhaint as níos mó ná teanga amháin, ach i ngeall nach bhfuil ach líon teoranta spásanna ar fáil, iarrtar ort do sheisiún/sheisiúin a chur in áirithe ANSEO chun nach mbeidh díomá ort.  Seolfar an nasc zoom ábhartha chuig na rannpháirtithe atá cláraithe roimh am lóin ar lá an imeachta.

Mar chuid d’Oíche Chultúir Dé hAoine an 23 Meán Fómhair, cuirfimid blasranganna saor in aisce i bpearsa ar fáil a mhairfidh ar feadh 20 nóiméad ag Teach na hEorpa i mBaile Átha Cliath sa Chatalóinis, sa tSínis, sa Chróitis, san Eastóinis, sa Ghearmáinis, san Iodáilis, sa Chóiréis, sa Liotuáinis, sa Rómáinis agus san Úcráinis.  Arís, i ngeall nach bhfuil ach líon teoranta spásanna ar fáil, moltar duit do sheisiún/sheisiúin a chur in áirithe ANSEO chun nach mbeidh díomá ort. Dóibh siúd ar mian leo triail a bhaint as níos mó ná teanga amháin (rud atá inmholta!) cuirfear sólaistí ar fáil ar an oíche (an 23 Meán Fómhair amháin) más mian leo sos a ghlacadh idir na seisiúin.

Tá an imeacht ‘Bain triail as teanga nua’ mar chuid de Rian Cultúir na hEorpa a bheidh ar siúl le linn Oíche Chultúir.  Tá an Rian Cultúir á eagrú ag líonra EUNIC agus is féidir leat do ‘phas’ a íoslódáil ANSEO.